इस्लामाबाद- पाकिस्तानमा बलोचिस्तान स्थानीय सरकारले गदानी बिष्फोटमा ज्यान गुमाएका परिवारहरुलाई चार वर्षपछि क्षतिपूर्ति दिएको छ ।

बलोचिस्तान सरकारले सन् २०१६ नोभेम्बर १ मा गदानी तेल ट्यांकरमा भएको बिष्फोटमा ज्यान गुमाएका हरुको प्रत्येक परिवारलाई पाँच लाख पाकिस्तानी रुपैँया क्षतिपूर्ति दिएको छ ।

हाल २१ परिवारहरुले क्षतिपूर्ति पाएका हुन् । बिष्फोटमा २९ जना कामदारको ज्यान गएको थियो भने ५० जना भन्दा बढी घाइते भएका थिए । तीन दिनसम्म नियन्त्रणमा नआएको यो बिष्फोट लाई हाल सम्मकै प्राणघातक औधोगिक विपतमध्ये एक मानिन्छ ।

सो क्षेत्रमा गत मार्चमा पनि एक घटना हुँदा दुई जना कामदारहरुको ज्यान गएको तर नजिकै क्षेत्रमा कुनै पनि अस्पताल वा स्वास्थ्य सुविधा क्षेत्र नभएको स्थानीयले बताए ।

सरकारले सो क्षेत्रमा कामदारहरु लक्षित अस्पताल बनाउने बताएपनि हाल सम्म काम नगरेको र आकस्मिक अबस्थामा पचास किलोमिटर टाढा कराँची सम्म पुग्नु पर्ने अबस्था रहेको छ । स्रोत पञ्जाब ट्रिब्युन