काठमाडौं–थिएटरका कलाकारहरुको अभिनय रहेको वेब सिरिज ‘इओजी(इरर्स अफ गड)’ को फस्टलुक सार्वजनिक भएको छ ।

कलासी प्रोडक्सनले निर्माण गरेको सिरिजमा प्रकु पाण्डेको निर्देशन छ ।

निर्देशक पाण्डेले सिरिजमा आफ्नो सबै शक्ति गुमाएर पृथ्वीलोकमा साधारण मानिसको रुपमा आएका भगवानहरुको कथालाई देखाइने बताए ।

संगीत सापकोटाको लेखन रहेको सिरिजमा सगुन पोखरेलको निर्माण छ ।

सिरिजमा विकास जोशी, राज न्यौपाने, घनश्याम जोशी, ममता लामिछाने, सुचित्रा उप्रेती, युनिसा ढुंगाना ‘सरिता’, भोलाराज सापकोटा, विजय बराल, कमलमणि नेपाल, प्रतिक दुलाल, अस्मिता खनाललगायतका कलाकारको अभिनय छ ।

सिरिजमा क्राइसिस ज्याक (कृष्ण) को छायांकन, रोमी मोसेस तन्डुकारको सम्पादन र शक्ति राईको कला निर्देशन रहेको छ ।