काठमाडौँ– सन्ध्या तिवारी नेतृत्वको नेकपा एमालेले पार्टीको नाम परिवर्तन गर्ने निर्णय गरेको छ ।

नेकपा नाम विवादमा सर्वोच्च अदालतको फैसलाले एमाले र माओवादी केन्द्र साविकको अवस्थामा फर्किएपछि तिवारी नेतृत्वको पार्टीले नाम परिवर्तन गरेको हो ।

निर्वाचन आयोगको पत्रानुसार उक्त पार्टीको आइतबार बसेको केन्द्रीय समिति बैठकले नाम परिवर्तन गर्दै जनताको जनवाद पार्टी (जजपा) नेपाल राख्ने निर्णय गरेको हो ।

केन्द्रीय समितिले गरेको निर्णयअनुसार पार्टीको नाम संशोधनका लागि अध्यक्ष सन्ध्या तिवारीले सोमबार निर्वाचन आयोगमा निवेदन पेश गरेकी छन् ।

नाम परिर्वतन गर्ने निर्णयानुसार आयोगमा पार्टीको नाम दर्ता गरेको महासचिव मनीष उपाध्यायले जानकारी दिए ।

एमाले र माओवादी केन्द्रबीच एकीकरण भएर नेकपा आयोगमा दर्ता भएपछि तिवारीको नेतृत्वमा नेकपा एमाले दर्ता भएको थियो । सर्वोच्चको फैसलासँगै आयोगले १५ दिनभित्र नयाँ नाम राख्न तिवारी नेतृत्वको पार्टीलाई पत्र पठाएको थियो ।

सर्वोच्च अदालतको फैसला र आयोगको निर्णयको सम्मान गर्दै पार्टीको नाम परिवर्तन गरिएको उपाध्यायले बताए ।

यस्तो छ आयोगलाई बुझाएको पत्र