काठमाडौँ – अर्जेन्टिनाका स्ट्राइकर सर्जियो अग्युरोले खेल जीवनबाट सन्यासको घोषणा गर्ने तयारी गरेका छन् ।

स्वास्थ्य समस्याको कारण अग्युरोले सन्यासको तयारी गरेको बीबीसीले जनाएको छ । अग्युरोले सम्भवत् भोली एक समारोहका बीच फुटबलबाट सन्यास लिने घोषणा गर्न सक्ने बताइएको छ ।

बार्सिलोनाका स्ट्राइकर अग्युरोले गत अक्टोबरबाट स्वास्थ्य समस्याका कारण खेलेका छैनन् । अग्युरोले आफनो खेल जिवनमा म्यानचेस्टर सिटीका लागि ३९० खेलमा २६० गोल गरेका छन् । स्पेनिस क्लब एट्लेटिको म्याड्रिडका लागि २३४ खेलमा १०२ तथा अर्जेन्टिना प्रिमेरा लिगमा इन्डिपेन्डिन्टेका लागि ५६ खेलमा २३ गोल गरेका छन् ।

अर्जेन्टिनाका लागि १०१ खेलमा ४१ गोल गरेका छन् । उनले म्यानचेस्टर सिटीबाट पाँच पटक प्रिमियर लिग, ६ पटक इएफएल कप, तीनपटक कम्युनिटी शिल्ड र एकपटक एफएकप जितेका छन् भने एट्लेटिको म्याड्रिडबाट समान एकपटक युरोपा लिग र सुपर कप जितेका छन् ।