काठमाडौँ– ५७ औँ राष्ट्रिय बाल दिवस देशभर विभिन्न कार्यक्रम गरी मनाइएको छ । दिवसका अवसरमा बालबालिकाको अधिकारका लागि काम गर्दै आइरहेका विभिन्न संघ संस्था तथा विद्यालयले विविध कार्यक्रमको आयोजना गरेका हुन् ।

दिवसका अवसरमा नेपाल प्रज्ञा प्रतिष्ठान, साहित्य (लोकवार्ता र बालसाहित्य) विभागले वेबिनार माध्यमबाट नेपाली बालसहित्यको वर्तमान अवस्था विषयक विचार गोष्टी तथा प्रज्ञा बालकविता महोत्सव–२०७८ को आयोजना गरेको थियो ।

महोत्सवमा स्वदेशबाट २७ र विदेशबाट १३ जना बालकविहरुद्वाारा कविता बाचन गरेका थिए । कार्यक्रममा प्रतिष्ठानका कुलपति गंगाप्रसाद उप्रेतीले बालबालिकाको भविष्यले समाज र देशको भविष्य निर्धारण गर्ने बताए ।

उनले नेपालमा रहेका बालबालिकाको भविष्य उज्जवल बनाउन अभिभावक र अग्रजहरुले बहुआयामिक रुपमा उनीहरुलाई सही बाटो देखाउनुपर्ने धारणा राखे ।

सरकारले हरेक वर्ष भदौ २९ गतेलाई राष्ट्रिय बाल दिवस घोषणा गरी चेतनामूलक कार्यक्रम सञ्चालन गर्दै आएको छ । हरेक वर्ष बालदिवस मनाईदै आए पनि बालबालिकाको अवस्थामा खासै सुधार हुन नसकेको अधिकारकर्मी बताउँछन् ।

राष्ट्रिय बाल दिवसका अवसरमा  झापाको दमकमा भएको कार्यक्रमका केही तस्वीरहरु-