काठमाडौँ– नेकपा एमालेका प्रतिनिधिसभा सदस्य सोमप्रसाद पाण्डे र राष्ट्रियसभा सदस्य शारदादेवी भट्टले नेकपा (एकीकृत समाजवादी) रोज्न पाउने भएका छन् ।

सर्वोच्चले पाण्डे र भट्टमाथि एमालेले कुनै कारबाही गर्न नपाउने अन्तरिम आदेश दिएको छ । याे आदेशले उनीहरुलाई नेकपा (एस) राेज्ने बाटाे खाेलेकाे हाे ।

मंगलबार सर्वोच्च अदालतका न्यायाधीश ईश्वर खतिवडा र नहकुल सुबेदीको सँयुक्त इजलासले पाण्डे र भट्टको माग बमोजिम अन्तरिम आदेश दिएको छ । पाण्डे र भट्टले आफूले नेकपा (एस) रोज्न पाउँ भन्दै सर्वोच्चमा रिट दायर गरेका थिए ।

नेकपा (एस)लाई दर्ता गर्नुअघि नै भदौ ८ मै निर्वाचन आयोगमा निवेदन दिइसकेको भन्दै उनीहरुको नाम सनाखतमा समावेश नगराउनु मनासिव नदेखिएको सर्वोच्चले व्याख्या गरेको छ ।

याे आदेशपछि उनीहरुले नेकपा एस राेजे प्रतिनिधिसभामा एमाले ९८ सिटमा हुनेछ भने राष्ट्रियसभामा २५ सिट हुनेछ । नेकपा एसको भने प्रतिनिधिसभामा २३ सिट र राष्ट्रियसभामा ७ सिट पुग्नेछ ।