काठमाडौं–नर्भिक अस्पतालमा उपचाररत मोडल तथा कलाकार निशा घिमिरेलाई अभिनेत्री आँचल शर्मा र गायक शिव परियारले सहयोग गरेका छन् ।
निशालाई अभिनेत्री शर्माले एक लाख रुपैंयाँ र गायक परियारले १० हजार रुपैंयाँ सहयोग गरेका हुन् । अभिनेत्री आँचलले हिजो आइतबार अस्पताल पुगी निशालाई भेटेकी थिइन् ।
निशासँगको भेटमा निशाका पितालाई आफूले पनि केही आर्थिक सहयोग गर्न चाहेको बताएपछि सोमबार उनले सहयोग गरेकी हुन् ।
गायक शिवले सामाजिक सञ्जाल फेसबुकमा स्टाटस लेख्दै आफूले निशालाई १० हजार सहयोग गरेको जनाएका छन् ।
निशा तीन वर्ष अघि भारतको देहरादुनमा सडक दुर्घटनामा गम्भीर घाइते भएकी थिइन् ।
प्रतिक्रिया