काठमाडौँ– पछिल्लो २४ घण्टामा सबैभन्दा धेरै ३० देखि ३९ वर्ष उमेर समूहका व्यक्तिहरुमा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ३०-३९ वर्ष उमेर समूहका सबैभन्दा धेरै २००६ जनामा कोरोना पुष्टि भएको छ ।
यस्तो छ उमेर समूह अनुसार कोरोना संक्रमितको विवरण-

०-९ वर्ष – १९२
१०-१९ वर्ष – ५१०
२०-२९ वर्ष – १८७५
३०-३९ वर्ष – २००६
४०-४९ वर्ष – १५१६
५०-५९ वर्ष – १२२९
६०-६९ वर्ष – ६७०
७०-७९ वर्ष – ३०९
८०-८९ वर्ष – ११७
९०-१०० वर्ष- १९
अज्ञात – २४

पछिल्लो २४ घण्टामा नेपमाल ८ हजार ५२० जनामा कोरोना भाइरसको संक्रमण पुष्टि भएको छ । जसमध्ये काठमाडौँ उपत्यकामा मात्रै ३ हजार ३४९ संक्रमित थपिएकाहुन् । योसहित हालसम्म कोरोना संक्रमितको संख्या ४ लाख २९ हजार ६५८ पुगेको छ ।

मन्त्रालयले आज सार्वजनिक गरेको विवरण अनुसार पछिल्लो २४ घण्टामा ६ हजार १३५ जना संक्रमणमुक्त भइ डिस्चार्ज भएका छन् । योसहित संक्रमणमुक्त हुनेको संख्या ३ लाख २७ हजार ६५३ पुगेको छ । निको हुने दर ७४.५ प्रतिशत रहेको मन्त्रालयले जानकारी दिएको छ ।
मन्त्रालयका अनुसार थप २०३ जना कोरोना संक्रमितको मृत्यु भएको छ । यो सहित कोरोनाले ज्यान गुमाउनेको संख्या ४ हजार ६६९ पुगेको छ ।