काठमाडौँ– स्वास्थ्य तथा जनसंख्या मन्त्रालयले चिकित्सकको सिफारिसबाहेक कसैले पनि घरमा वा संस्थामा अक्सिजन सिलिण्डर नराख्न अनुरोध गरेको छ ।
कोरोना संक्रमणको दर ह्वात्तै बढेसँगै पछिल्लो समय देशभर अक्सिजन सिलिण्डरको अभाव भएको छ । अक्सिजन सिलिण्डरको अभाव भइरहेको अवस्थामा मन्त्रालयले यस्तो अनुरोध गरेको हो ।
मन्त्रालयका सहप्रवक्त डा. समीरकुमार अधिकारीले शुक्रबार एक सूचना जारी गर्दै कोभिड–१९ का बिरामीको उपचारका लागि अक्सिजनको भूमिका महत्वपूर्ण हुने भन्दै यदी घरमा वा संस्थामा सिलिण्डर भए नजिकैको अस्पताल वा प्रशासनमा बुझाउन अनुरोध गरेका हुन् ।
हेर्नुहोस् मन्त्रालयले निकालेको सार्वजनिक सूचना
प्रतिक्रिया