काठमाडौँ– एमाले केन्द्रीय सदस्यमा मनोनित कर्णाली प्रदेशका सांसद ठम्मर विष्ट माओवादी केन्द्रमै फर्किएका छन् ।

माओवादी केन्द्रको स्थायी समितिले एमालेमा लागेका नेताहरूलाई आफ्नो कित्ता प्रष्ट पार्न २४ घण्टे अल्टिमेटम दिएलगत्तै विष्ट माओवादी केन्द्रमा फर्किएका हुन् ।

आइतबार काठमाडौं माओवादी केन्द्रका अध्यक्ष पुष्पकमल दाहाल निवासमा पुगेर विष्ट माओवादीमै फर्किएको माओवादी केन्द्रका नेता तथा राष्ट्रियसभा सदस्य मायाप्रसाद शर्माले पुष्टि गरे ।

उनी आइतबार कर्णाली प्रदेश सचिव मायाप्रसाद शर्मासँग प्रचण्ड निवास खुमलटार पुगेका थिए ।

प्रधानमन्त्री ओलीले नेकपा एमाले केन्द्रीय सदस्यमा कर्णालीका दुई जना माओवादी केन्द्रका प्रदेशसभा सदस्यलाई केन्द्रीय समितिमा मनोनयन गरेका थिए।

अर्का माओवादी केन्द्रका प्रदेश सांसद दैलेखका धर्मराज रेग्मी कर्णाली प्रदेशको एमाले सचिवसमेत नियुक्त भएका थिए।