काठमाडौँ– नेपाल कम्युनिष्ट पार्टी (क्रान्तिकारी माओवादी)का महासचिव मोहन वैद्यले नेपाल कम्युनिस्ट पार्टीका महासचिव नेत्रविक्रम चन्द ‘विप्लव’को राजनीतिक एजेण्डा स्पष्ट नभएको बताएका छन् ।

नेकपा क्रान्तिकारी माओवादीसम्वद्ध मोर्चाले आइतबार काठमाडौंमा आयोजना गरेको विरोध सभामा वैद्यले विप्लव समूहलाई शान्तिपूर्ण राजनीतिक धारमा ल्याउनु सकारात्मक भए पनि राजनीतिक एजेण्डाबारे स्पष्ट पार्नुपर्ने बताएका हुन् ।

उनले राजनीतिक खेलका लागि जनताको रगत र बलिदानीसँग खेल्न नहुने तर्क गरे ।

हेरौँ भिडियो

दलहरु सत्ताका लागि एक अर्कालाई सिध्याउने खेलमा लागेकाले यसले मुलुकलाई हित नगर्ने उनको भनाइ छ । उनले अब मुलुकमा अस्थिरताको युग सुरु भएको टिप्पणी पनि गरे ।

प्रतिक्रियावादी संसदीय व्यवस्था खारेज गर्नुपर्ने, संघीय जनगणतन्त्र स्थापना गर्नका लागि भन्दै क्रान्तिकारी माओवादी सम्बद्ध  मोर्चाले विरोध सभा गरेको हो ।