झापा– पूर्वी नेपालको झापा र मोरङ्मा बसोबास गरी रहेका भुटानी शरणार्थी र स्थानीय युवतीबीच प्रेमकथामा बनेको म्युजिकल फिल्ममा नायक दयाहाङ राई शरणार्थी युवाकोरुपमा देखिएका छन् ।

सँगसँगै कान्छी बोलको गीतलाई आधार बनाएर रंगकर्मी जीवन बरालले बनाएको म्युजिकल फिल्ममा उनी शिविर बाहिर बस्तिका युवतीसँग प्रेममा परेका शरणार्थी युवाहरुको प्रतिनिधीको रुपमा देखिएका छन् ।

जमर्को ईन्टरटेन्मेन्ट युट्युव च्यानलबाट सार्वजनिक गरिएको भिडियोमा उनीसँगै नग्मा श्रेष्ठ नायिकाको रुपमा देखिएकी छन् ।

एक दशकभन्दा लामो समयदेखि काठमाडौँमा रहेर रंगञ्चमा क्रियाशील बरालले आफूले वर्षौदेखि पूर्वी नेपालमा देखेको शरणार्थी शिविर र शिविर बाहिर हुने प्रेमकथालाई भिडियोमा उतार्ने प्रयास गरेको बताएका छन् ।

नन्दु गुरुङले गाएको गीतका शव्द अनिल धिरुलले लेखेका हुन् भने देव गुरुङ गीतका संगीतकार हुन् ।

सम्रान्त थापा, पूर्णमाया राई, भवानी दुलाल, सरोज तिमिल्सिना, काव्य बराल लगायतका कलाकारहरुको अभिनय रहेको भिडियोको कथा, परिकल्पना पनि निर्देशक बरालले नै गरेका छन् ।

भुपेन्द्र तुम्बाहाम्फेले खिचेको भिडियोलाई अनिल रानाले सम्पादन गरेका हुन् ।