मेस्सीको उत्कृष्ट प्रदर्शनमा बार्सिलोनाको शानदार जित

२ फाल्गुन २०७७, आइतबार

पढ्न लाग्ने समय : < 1 मिनेट

एजेन्सी- कप्तान लियोनल मेस्सीको उत्कृष्ट प्रदर्शनमा स्पेनिस ला लिगा फुटबलमा उपाधि दाबेदार बार्सिलोनाले शानदार जित हात पारेको छ ।

शनिबार राति भएको खेलमा बार्सिलोनाले डिपोर्टिभो एलाभेसलाई ५-१ गोल अन्तरले पराजित गरेको छ ।

बार्सिलोनाको जितमा कप्तान लियोनल मेस्सी र ट्रिन्काओले दुई गोल गरे । जुनियर फिर्पोको नाममा एक गोल रह्यो । डिपोर्टिभोका लुइस रीओजाले एक फर्काए ।

जितसँगै बार्सिलोना लिगको दोस्रो स्थानमा उक्लिएको छ । बार्सिलोनाको २२ खेलमा ४६ अंक छ । डिपोर्टिभो २२ अंकसहित तालिकाको १६औँ स्थानमा छ ।

प्रकाशित मिति : २ फाल्गुन २०७७, आइतबार ९ : १४ बजे

प्रतिक्रिया