अर्घाखाँची– ६० वर्षीया आमा हिरा कुमारी नेपालीलाई कुटपिट गरी हत्या गरेको अभियोगमा सन्धिखर्क नगरपालिका-१ तुमकोट बस्ने २३ वर्षीय बिमल नेपालीलाई प्रहरीले पक्राउ गरेको छ ।

मादक पदार्थ सेवन गरी बिमलले आमालाई कुटपिट गर्दा मृत्यु भएको भन्ने खबर प्राप्त हुनासाथ जिल्ला प्रहरी कार्यालय अर्घाखाँचीबाट खटिएको प्रहरीले उनलाई पक्राउ गरेको हो ।

यसैबीच, सिरहा, औरही गाउँपालिका-१ दरैया बस्ने ४५ वर्षीय अरुण कुमार यादवलाई कुटपिट गरी हत्या गरेको घटनामा संलग्न रहेको अभियोगमा सोही ठाउँ बस्ने ४२ वर्षीय ललित नारायण चौधरी समेत ३ जनालाई बिहीबार बिहान प्रहरीले पक्राउ गरेको छ ।

अरुण कुमार यादव र सोही ठाउँ बस्ने दिनेश यादवलाई ललित नारायण चौधरी समेत ४ जनाले शनिबार साँझ सिमानामा रहेको सुकेको रुखको बिषयमा बिवाद भई कुटपिट गर्दा गम्भीर घाइते भएका अरुणको न्यूरो अस्पताल बिराटनगरमा उपचारको क्रममा बिहीबार मृत्यु भएको हो ।