काठमाडौँ– नेपाली कांग्रेसका २२ जना आमन्त्रित केन्द्रीय सदस्यहरुले राजीनामा दिएका छन् ।

महाधिवेशनको मिति समेत घोषणा भइसकेको अवस्थामा २२ जना केन्द्रीय सदस्यहरुले सामूहिक राजीनामा दिएको केन्द्रीय सदस्य कल्याण गुरुङले पुष्टि गरे ।

सबै तहका सभापतिहरुलाई महाधिवेशनमा उम्मेदवार हुनका लागि बुथबाट निर्वाचित हुनुपर्ने व्यवस्था हटाउन माग गर्दै राजीनामा दिएका केन्द्रीय सदस्य किरण पौडेलले जानकारी दिए ।

उनले अरु केन्द्रीय सदस्यहरुलाई बुथबाट निर्वाचित हुननपर्ने व्यवस्था रहेको भएपनि आमन्त्रीत केन्द्रीय सदस्यहरुलाई विभेद गरिएकाले राजीनामा दिएको उनले बताए ।

उनले भने,‘निर्वाचित केन्द्रीय सदस्यहरु जस्तै सबै जिल्ला सभापतिसहित हामीलाई पनि अधिकार दिन माग गर्दै राजीनामा दिएका हौं ।’

कांग्रेस केन्द्रीय समितिको बैठक अहिले पनि जारी छ । कांग्रेसको विधानअनुसार आमन्त्रित केन्द्रीय सदस्यहरुलाई मतदानको अधिकार दिइएको छैन । त्यस्तै उनीहरु समेत बुथबाट निर्वाचित भएर आउनुपर्ने व्यवस्था गरिएको छ ।