लसएन्जल्स– अमेरिकी अभिनेत्री तथा गायिका जेनिफर लोपेजले दुई वर्षसम्मको आफ्नो प्रेम सम्बन्धलाई टुंग्याएकी छन् । बेसबल खेलाडी एलेक्स रोड्रिग्वेजसँगको दुई वर्ष अफेयरलाई उनले अन्त्य गरेकी हुन् ।

बलिउड लाइफमा प्रकाशित समाचार अनुसार यो जोडी सन् २०१७ देखि डेटिङमा थिए । एलेक्सले जेनिफरलाई सन् २०१९ मा विवाह गर्न प्रस्ताव गरेका थिए । तर कोभिड महामारीका कारण एलेक्सको योजना पुरा हुन सकेन ।

यो जोडीले दुई हप्ता अघि अलग्गिने निर्णय लिएका हुन् । विगत केही समय यता यो जोडीलाई सार्वजनिक कार्यक्रम नदेखिने गरेको सञ्चारमाध्यमले आफ्नो समाचारमा उल्लेख गरेका छन् ।

जेनिफरको नाम यसअघि क्रिस जड, मार्क एन्थोनी र बेन एफ्लेकसँग जोडिइसकेको छ । विवाहमा विश्वास राख्ने जेनिफरले एन्थोनीबाट दुई सन्तान म्याक्स र एमीलाई जन्म दिइसकेकी छन् ।