प्रिमियर लिग : न्युकासल युनाइटेड र एस्टन भिल्लाको बराबरी

२९ फाल्गुन २०७७, शनिबार

पढ्न लाग्ने समय : < 1 मिनेट

काठमाडौँ- इंग्लिस प्रिमियर लिग फुटबलमा न्युकासल युनाइटेड र एस्टन भिल्लाले बराबरी खेलेका छन् ।

शुक्रबार राति भएको खेलमा न्युकासल र एस्टनले १-१ गोलको बराबरी खेल्दै अंक बाढेका हुन् ।

निकै प्रतिस्पर्धात्मक बनेको खेलमा अन्तिम समयमा गोल निस्किएको थियो ।

८६औँ मिनेटमा सिआरन क्लार्कको आत्मघाती गोलबाट एस्टनले सुरुवाती अग्रता बनाए पनि इन्जुरी समयमा जमाल लास्सेलेसले गोल गर्दै न्युकासललाई हारबाट जोगाए ।

बराबरीसँगै न्युकासलले २८ खेलमा २८ अंक सहित १६औँ स्थानमा छ । एस्टन २७ खेलमा ४१ अंकसहित नवौँ स्थानमा छ ।

प्रकाशित मिति : २९ फाल्गुन २०७७, शनिबार ७ : २० बजे

प्रतिक्रिया