काठमाडौँ – विश्वकप २०२२ को युरोपेली छनोटमा जर्मनीले लिचेस्टाइनमाथि ९-० को फराकिलो जित हात पारेको छ ।

जर्मनीको जितमा लोरे साने र थोमस मुलरले समान दुई गोल गरे । त्यस्तै एलके गुन्डोगन, मार्को रिउस, रिडल बाकुले एक गोल गरे । जर्मनीले दुई गोल लिचेस्टाइनका ड्यानिय कौफम्यान र म्याक्सिमिलियन गोपेलबाट आत्मघाती उपहार पाएको थियो ।

नवौं मिनेटमा जेन्स होफेरले रातो कार्डको दर्शन गर्दै मैदानबाट बाहिरिएपछि लिचेस्टाइन १० खेलाडीमा सीमित बनेको थियो ।

जितसँगै समूह ‘जे’ मा नौ खेलबाट २४ अंक जोडेको जर्मनी समूहको शीर्ष स्थानमा छ । समान खेलमा नर्थ मासेडोनिया १५ र रोमानिया १४ अंकसहित क्रमशः दोस्रो र तेस्रो स्थानमा छ ।

अर्मेनिया १२ र आइसल्यान्ड ९ अंक जोड्दै चौथो र पाँचौ स्थानमा छ । त्यस्तै समान खेलबाट एक अंक जोडेको लिचेस्टाइन भने तालिकाको पुछारमा छ ।

समूह ‘जे’बाट यसअघि नै विश्वकपको यात्रा पक्का गरिसकेको जर्मनीले समूहमा बलियो प्रभाव जमाएको छ।