काठमाडौँ– सांसदहरुले परीक्षार्थीहरुलाई कोरोना भाइरस विरूद्धको खोप लगायएर मात्र परीक्षामा सहभागी गराउन ध्यानाकर्षण गराएका छन् ।

आज बसकेका राष्ट्रिय सभाको बैठकमा बोल्दै संसदहरुले कोरोना महामारीका कारण लाखौ विद्यार्थीहरुको भविष्य अन्योलमा परेकाले खोप लगाउने वातावरण सिर्जना सरकारको माग गरेका हुन् ।

राष्ट्रियसभा बैठकको शून्य समयमा बोल्दै सांसदहरुले कक्षा १२ को परीक्षा पूर्वतयारी बिना स्थगित गरिएको र विश्वविद्यालय अन्तर्गत विभिन्न तहको परीक्षाको मुखमा रहेका विद्यार्थीले परीक्षा दिने वातावरण सिर्जना गर्न माग गरेका हुन् । विद्यार्थीहरुलाई वैकल्पिक विधिद्वारा परीक्षा दिने व्यवस्था मिलाउन पनि संसदहरुले सरकारसँग माग गरेका छन् ।

सांसद उदया शर्मा पौडेलले पूर्वतयारी बिना कक्षा १२ को परीक्षण स्थगित गरी करिब चार लाख परीक्षार्थीको भविष्य अन्योलमा बताइन् । विद्यार्थीको मनोविज्ञानलाई असर नगर्नेगरी परीक्षार्थीलाई खोपको व्यवस्था गरी परीक्षामा सहभागी गराउन उनले सरकारसँग माग गरिन ।

त्यस्तै अर्की सांसद कोमल वलीले सरकारले शिक्षामन्त्री नियुक्तिमा ढिलाई गरेकाले समग्र शिक्षा क्षेत्र अन्योलमा परेको बताइन । उनले भनिन,‘विद्यार्थीलाई खोप लगाएर वा वैकल्पिक विधिद्वारा भए पनि परीक्षा दिने वातावरण बनाउनु पर्छ ।’