काठमाडौँ- पूर्व राजा ज्ञानेन्द्र शाह अस्पतालबाट डिस्चार्ज भएका छन् ।
कोरोना संक्रमण पुष्टी भएपछि नर्भिक अस्पतालमा भर्ना भएका पूर्व राजा शाहको स्वास्थ्य सामान्य बनेपछि बुधबार राति ८ बजे डिस्चार्ज गरिएको अस्पतालले जानकारी दिएको छ ।
उनीसँगै कोरोना संक्रमणका कारण अस्पताल भर्ना भएकी पूर्व रानी कोमल शाह भने अझै अस्पतालमै छन्। उनको स्वास्थ्यमा क्रमिक सुधार भइरहेको अस्पतालले जानकारी दिएको छ ।
दुई दिन अघि गरिएको ‘स्वाब टेस्ट’मा दुवैको रिपोर्ट नेगेटिभ आएको थियो। अस्पताल भर्ना भएको १९ दिनमा पूर्व राजा शाह डिस्चार्ज भएका हुन् ।
प्रतिक्रिया