काठमाडौँ – प्रतिनिधिसभा अन्तर्गतका विभिन्न समितिहरूमा सदस्यहरूको नाम हेरफेर भएको छ । आज प्रतिनिधिसभाको बैठकमा सभामुख अग्निप्रसाद सापकोटाले त्यसबारे जानकारी गराएका हुन् ।

जसअनुसार माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्ड राज्य व्यवस्था तथा सुशासन समितिबाट कानून, न्याय तथा मानवअधिकार समितिमा नियुक्त भएका छन् ।

यसैगरी, घनश्याम भुसाल, मोतीलाल दुगड र वर्षमान पुनलाई अर्थ समितिमा राखिएको छ । त्यस्तै गिरिराजमणी पोखरेल र योगेशकुमार भट्टराईलाई शिक्षा तथा स्वास्थ्य समितिमा नियुक्त गरिएको छ ।

पूर्व सभामुख कृष्णबहादुर महरा र लिलादेवी सिटौलालाई अन्तर्राष्ट्रिय सम्बन्ध समितिमा राखिएको छ ।