काठमाडौँ– अखिल नेपाल महिला संघले शनिबार काठमाडौंमा बृहत महिला कार्यकर्ता भेला आयोजना गर्ने भएको छ ।

शुक्रबार काठमाडौंमा पत्रकार सम्मेलन गर्दै संघले संविधानको पूर्ण कार्यान्वयन गर्दै महिला समानता सुनिश्चित गरौँ भन्ने नाराका साथ फाल्गुन शनिबार महिला भेला आयोजना गर्न लागिएको जानकारी दिएको हो ।

भेलाको उद्घाटन प्रधानमन्त्री केपी ओलीले गर्ने कार्यक्रम तय भएको छ । भेलामाा देशभरिका करीव १० हजार अगुवा महिला कार्यकर्ताहरु सहभागी हुने संघले जनाएको छ ।

हेरौँ भिडियो

भेलाले आगामी चुनावमा महिलालाई ३३ प्रतिशतको व्यवस्था गर्ने विषयमा जोड दिने संघकी संयोजक सीता पौडेलले जानकारी दिइन् ।

त्यस्तै महिला हत्या हिंसा बलात्कार जस्ता जघन्य अपराधको अन्त्यका लागि विशेष प्रकारको कार्यदल बनाई अनुसन्धान गर्नुपर्नेमा आफूहरुको जोड रहेको पौडेलले बताइन् ।

उनले राज्यबाट प्राप्त हुने विभिन्न सेवा सुविधाहरुमाथि सहज पहुँच बनाउन पनि संघले ध्यानाकर्षण गराएको छ ।