काठमाडौँ– विष्फोटक पदार्थ युरेनियमसहित ४ जना पक्राउ परेका छन् ।

महानगरीय प्रहरी कार्यालयका एआईजी हरिबहादुर पालले चार जना व्यक्तिलाई कच्चा युरेनियमसहित पक्राउ गरेको जानकारी दिए ।

साढे दुई किलो युरेनियमसहित उनीहरुलाई काठमाडौँबाट पक्राउ गरिएको पालले जानकारी दिए ।

युरेनियम बौद्धमा भण्डारण गरिराखेको अवस्थामा बरामद भएको उनले बताए ।

पालका अनुसार जफत भएको युरेनियमको मूल्य ५ अर्ब रुपैयाँभन्दा बढी हुन आउँछ। पक्राउ परेका अभियुक्तले बयानमा २० वर्ष अघि नै भारतको एउटा खानीबाट युरेनियम ल्याएको बताएको प्रहरीले जनाएको छ ।

पक्राउ पर्नेमा रामेछापको लिखु तामाकोशीका ४० वर्षीय नारायण सिंह तामाङ, ४० वर्षकै जानुका तामाङ, रामेछापकै बागजोरका २० वर्षीय प्रकाश चौहान र २० वर्षीय सिन्धुलीका मनोज न्यौपाने रहेका छन्।

पक्राउ परेका चारै जनामाथि विस्फोटक पदार्थ ऐन २०१८ बमोजिम ५ दिन म्याद थप गरी अनुसन्धान भइरहेको प्रहरीले जनाएको छ ।