काठमाडौं– नयाँवर्ष २०७८ को छेको पारेर रिलिज हुने फिल्म ‘कृष्ण लीला’को पहिलो गीत ‘कुनै दिन यस्तो पनि’ सार्वजनिक भएको छ । प्रेमिल भावको गीतमा फिल्मका प्रमुख कलाकारद्वय अभिनेता पुष्प खड्का र नवअभिनेत्री श्रद्धा क्षेत्री फिचर्ड छन् ।

सुगम पोखरेल र अञ्जु पन्तको स्वर रहेको गीतमा अर्जुन पोखरेलको शब्द र संगीत छ । गीतमा रामजी लामिछानेको कोरियोग्राफी छ । यो गीत पूर्वी नेपालको इलाम, झापा र पाँचथरमा छायांकन गरिएको हो ।

दीपक ओली निर्देशित फिल्ममा रोहित कट्टेल प्रस्तुतकर्ता र रत्न श्रेष्ठ कार्यकारी निर्माता छन् ।

फिल्ममा पुष्प र श्रद्धासँगै बुद्धि तामाङ, रवीन्द्र झा, नवीन रेग्मी, हिउँवाला गौतम, भावना गुरुङ, आयुष गुरागाईं, आयुषा क्षेत्री, पिताम्बर आचार्यलगायतको अभिनय छ ।

प्रेमकथाको फिल्ममा लक्ष्मण सुवेदीको लेखन, शिव ढकाल र बाबु श्रेष्ठको छायांकन, श्री श्रेष्ठको द्वन्द्व र अर्जुन जिसीको सम्पादन छ ।

प्रकाश कार्की र केवल तामाङ निर्माता रहेको फिल्मको सह–निर्मातामा पिताम्बर आचार्य र रोजन श्रेष्ठ छन् । फिल्मलाई आरआर फिल्मस्ले वितरण गर्दैछ ।