काठमाडौँ– छोराको हत्यारालाई कारबाहीको माग राखेर लामो समयदेखि संघर्षतरत गोर्खा फुजेलकी गंगामाया अधिकारीको जीवनरक्षाको माग गर्दै मंगलबार काठमाडौंमा मानवअधिकारवादीहरुले शान्तिपूर्ण प्रदर्शन गरेका छन् ।

तीन साता लामो आमरण अनसनका कारण अधिकारीको स्वास्थ्य अवस्था अत्यन्त नाजुक भएको भन्दै उनीहरुले सरकारको खबरदारी गर्दै वीर अस्पताल अगाडि प्रदर्शन गरेका हुन ।

हेरौँ भिडियो

२०६१ साल जेठको २४ गते आफ्ना मावली हजुरबा हजुरआमा भेट्न चितवन आएका बेला अधिकारीका १६ वर्षीय छोरा कृण्णप्रसाद अधिकारीको हत्या भएको थियो ।

गंगामायाको स्वास्थ्य विग्रिएको भन्दैसरकारलाई दबाब दिन ‘गंगामाया बचाऔँ’ अभियान गर्नुपरेको मानवअधिकारवादी इन्द्र अर्यालले बताए ।

आफ्ना छोराका हत्याराका साथै पतिलाई अनशनमै मर्न विवश बनाउने राज्यका पदाधिकारीहरुलाई समेत कारबाहीको माग गर्दै गंगामाया अधिकारी अहिले बाह्रौं पटक आमरण अनशनमा बसेको पनि २२ दिन भएको छ ।