शरीर स्वस्थ रहन तथा उमेर अनुसार शारीरिक विकास हुन विभिन्न भिटामिन तथा पोषणको आवश्यकता पर्दछ । भिटामिनको मुख्य स्रोत भनेकै खाना हो । नियमित स्वस्थ, ताजा र सन्तुलित खाना खाए शरीरलाई आवश्यक भिटामिन त्यहीबाट प्राप्त हुन्छ । तर कतिपय यस्ता अवस्था छन् जहाँ खानाबाट प्राप्त भिटामिन अल्पताको जोखिम हुन्छ ।

यी भिटामिन अल्पताको जोखिम हुने कारणहरु :

– अत्यधिक मदिरा सेवन ।

– कुनै गम्भीर बिरामीपछि पुनः स्वास्थ्य लाभ गर्दा ।

– शल्यक्रियापछि गर्भवती भएको वेला ।

– साना बच्चालाई दूध चुसाउने वेला ।

– पाको उमेर, बुढ्यौली उमेर ।

– आन्द्राभुँडीको क्षयरोग भएको अवस्था ।

– भिटामिनयुक्त खाना भण्डारण गर्न असफल हुँदा ।

– एन्टिबायोटिक पिल्सहरू लकजेटिभ जस्ता औषधिको प्रयोग ।

– आर्थिक अवस्था कमजोर हुनु ।

– गरिबी, अशिक्षा, अज्ञानता ।

– खाद्य असुरक्षा ।

यी अवस्थामा सन्तुलित खाना खाँदा पनि भिटामिनको अल्पताको जोखिम हुन सक्छ । त्यसैले नियमित सन्तुलित भोजन गर्दा पनि शरिरले आवश्यक पोषण नपाएमा चिकित्सकको परामर्श लिनु पर्दछ ।