काठमाडौँ– नेपाल चिकित्सक संघले स्वास्थ्य मन्त्रालयले जारी गरेको “एक चिकित्सक र एक स्वास्थ्यकर्मी- एक स्वास्थ संस्था सम्बन्धी कार्यविधि एकतर्फी संशोधन गरेर लागू गर्न खोजिएकोमा आपत्ति जनाएको छ ।

संघले शुक्रबार विज्ञप्ति जारी गर्दै कोरोना महामारीको विषम परिस्थितिमा फ्रन्टलाइनमा खटिरहेका चिकित्सकहरुलाई हतोत्साहित पार्ने गरी कार्यविधि लागू गर्न लागिएकोमा आपत्ति जनाएको हो ।

संघले सो कार्यविधि सरोकारवाला निकायहरुसंग बृहत छलफल गरेर मात्र लागू गर्न आग्रह गरेको छ ।

संघका महासचिव बद्री रिजालद्वारा जारी विज्ञप्तिमा भनिएको छ, ‘विभिन्न समयमा दिइएका सल्लाह र सुझाबहरुलाई नजरअन्दाज गरी चिकित्सकहरुको मानमर्दन हुने गरी दैनिक जीवन यापन समेत गर्न नसक्ने अवस्थाको कार्यविधि ल्याई लागू गर्न खोजिएकोमा सो कार्यविधिलाई अविलम्ब संसोधन गर्दै ऐच्छिक बनाई लागू गर्न उपयुक्त हुने यस संघको ठहर छ ।’

यस्तो छ विज्ञप्ति