हनुमान प्रसन्न पार्न र उनको आशीर्वाद प्राप्त गर्न मंगलबार हनुमानको आराधना गरिन्छ । यस्तोमा पूजाको सही विधि र उपायमार्फत आराधना गरे मात्र हनुमानको कृपा प्राप्त हुने धार्मीक विश्वास रहेको छ ।

१. हनुमानको पूजामा उनको प्रिय रंग केसरीको प्रयोग अनिवार्य र अधिक गर्नु पर्दछ ।

२. कुनै पनि पिर्कामा रातो सफा कपडा ओच्छ्याएर त्यसमा हनुमानका साथै भगवान रामको पनि प्रतिमा वा तस्वीर राख्नु पर्दछ ।

३. हनुमानको पूजा गर्नु पुर्व भगवान श्रीरामको पूजा गर्नु पर्दछ ।

४. हनुमानको पूजामा हनुमान चालीसाको पाठ अनिवार्य छ ।

५. हनुमान चालीसाका अलावा सुन्दरकाण्ड, बजरंग बाणका साथै रामायण पाठ गर्नु उत्तम मानिन्छ ।

६. हनुमानलाई चमेलीको तेल अर्पित गरे जीवनका सबै कष्ट नष्ट हुने विश्वास छ ।

७. आर्थिक अभावबाट छुटकारा पाउन चमेलीको तेलमा दियो बाल्नु पर्दछ ।

८. पीपलको ११ वटा पातलाई गंगाजलले सफा गरी सिन्दूरले श्रीराम लेखेर हनुमानलाइ चढाउनाले पनि आर्थिक समस्या समाधान हुन्छ ।

९. यस दिन रातो रंगको वस्त्र लगाउनु पर्दछ ।