पञ्चांग अनुसार हरेक महीनाको कृष्ण पक्षको अन्तिम तिथिमा जब चन्द्र दर्शन हुदैँन त्यस दिनलाई औंसी भनिन्छ । औंसीलाई हिन्दू धर्म शास्त्रमा अत्यन्त महत्वपूर्ण दिनका रुपमा हेरिन्छ । यो दिन पूर्वज र पितृका दिनको रुपमा मानिन्छ ।

औंसीमा पवित्र नदिमा स्नान गरी, गरीबलाई दान गर्नुपर्ने धार्मीक मान्यता छ । मान्यता अनुसार यी कर्म गरेमा पितृ दोषबाट मुक्ति पाउन सकिन्छ । अझ शनिबारका दिन औंसी परेमा त्यसलाई शनि अमावस्या भनिन्छ । त्यसैले यस्ता दिनमा शनिदेव प्रसन्न पार्नु पर्ने धार्मीक विश्वास रहेको छ ।

औंसी हरेक पूर्णिमाको पन्ध्र दिनपछि आउने तिथि हो । चन्द्र पात्रो अनुसार चन्द्रमासको एउटा पक्षको पन्ध्रौँ दिनलाई औंसी भनिन्छ । यस रात्रीमा चन्द्रमा देखिदैन ।