काठमाडौँ- नेपालमा पाइने भेजिटेबल तरकारीहरूलाई नै राखिएको छ । तर यहाँ पकाउने तरिकाहरू फरक फरक छन् ।

यसैलाई मिक्स भेजिटेबल पनि भनिन्छ । भेजिटेबल कुर्मा पनि भनिन्छ वा भेजिटेबल पाउभाजी पनि भनिन्छ । खास गरेर पकाउने भान्छे तथा कुकले एक दुई चोटी मसला फरक गरेपछि सबै नाउँहरू उब्जिन्छन् । अब तल दिइएको विधिलाई तपाईं नै न्वारान गरी नाउँ राख्नुहोस् ।

आवश्यक सामग्री : गाजर १ मुठा १ इञ्चको लामो पिसमा काट्ने, घिउसिमी १०० ग्राम, सलगम १ मुठा, पनिर १०० ग्राम, भेडे खोर्सानी ५० ग्राम, हरियो मटरकोशा १०० ग्राम, प्याज ५० ग्राम, वन्दाकोबि १०० ग्राम, गोलभेडा ५० ग्राम, काँचो नरिवलको रस चिया गिलासको १ गिलास, जिरा धनियाँको पाउडर १/१ चम्चा, गरम मसला चिया चम्चाको १ चौथाई, नुन, बेसार, अजिनोमोटो इच्छानुसार, तेल वा घिउ ५० ग्राम, १ चम्चा मरिचको धुलो, १/१ चम्चा अदुवा+लसुन पेष्ट, दही १०० मिलिग्राम ।

बनाउने विधि : सबै तरकारी लाम्चो फ्रेन्च पीसमा काट्नु र गाजर भेडेखोर्सानी बाहेक अरू सबै तरकारी उमाल्नु र पानी तार्नु । अब तेल तताई प्याज फ्राई गर्नु र हाफ फ्राई भएपछि अन्य सबै तरकारी मसला, नुन, अदुवा, लसुन, नरिवलको रस, दही फिटेर हाल्नु र ४/५ मिनेट छोपेर पकाउनु । अन्तमा गरम मसला राखी निकाल्नु । अब खानलाई तयार भयो ।

साभार : ‘सजिलो कुकिङ’ पुस्तकबाट