काठमाडौँ– राष्ट्रपति विद्यादेवी भण्डारीले छठ पर्वको अवसरमा काठमाडौँको गुहेश्वरी र कमलपोखरी पुगेर सूर्यलाई अर्घ्य दिई पूजाअर्चना गरेकी छन् ।

छठ पूजा समारोहमा सरिक भएकी राष्ट्रपति भण्डारीले छठीमाईको दर्शन गरिन्। छठ पर्वका अवसरमा राष्ट्रप्रमुखबाट गुहेश्वरी र कमलपोखरी पुगेर पूजाअर्चना हुने गरेको छ । छठ पर्वका लागि गुहेश्वरी, कमलपोखरी लगाएतका स्थान झकिझकाउ पारिएको छ ।

यस्तै छठ पर्वको अवसरमा प्रधानमन्त्री शेर बहादुर देउवाले काठमाडौँको कुपण्डोलस्थीत बागमती किनारमा पुगी छठी माइको दर्शन गरेका छन् ।

धबार अपरान्ह प्रधानमन्त्री देउवा बागमती किनारमा पुगेर सार्वसाधारणका साथ नै छठी माइको दर्शन गरे । सो क्रममा प्रधानमन्त्री देउवाले छठ पर्वका अवसरमा शुभकामना दिए । उनले छठ पर्व सबै नेपालीमा सुख शान्तिको कामना गरे ।

त्यस्तै कांग्रेसका वरिष्ठ नेता रामचन्द्र पौडेल, ऊर्जा मन्त्री पम्फा भुसाललगायत पनि कुपण्डोलस्थित बागमती किनारमा पुगेर छठी माइको दर्शन गरेका थिए ।