काठमाडौँ– एमाले कार्यदलको बैठक ढिला गरी सिंहदरबारमा शुरू भएको छ । दिउँसो २ बजेका लागि बोलाइएको बैठक ५ बजेपछि शुरू भएको हो ।
कार्यदलको बैठकपूर्व माधव नेपाल पक्षका नेताहरु नेता नेपाललाई भेट्न कोटेश्वर पुगेका थिए । सिंहदरबारबाट कोटेश्वर गएका उनीहरु फर्केपछि बैठक शुरू भएको हो ।
शुक्रबार कार्यदलले पार्टी एकताका विषयमा अनौपचारिक सहमति गरेको थियो । सहमतिको मस्यौदालाई आजको बैठकबाट अन्तिम रुप दिने नेताहरूले बताएका छन् ।
आजै नेकपा माओवादी केन्द्रका अध्यक्ष प्रचण्ड पनि कोटेश्वर पुगेर नेपाललाई भेटेका थिए । उनले एमालेमा एकता कायम हुन लागेको विषयमा चासो राखेका थिए ।
प्रतिक्रिया