काठमाडौँ- प्रधानमन्त्री केपी शर्मा ओलीले मागेको विश्वासको मतमा मतदान सुरु भएको छ ।

प्रतिनिधिसभाको जारी बैठकमा मतविभाजनको प्रक्रियामार्फत् मतविभाजन शुरु भएको हो । त्यसअघि सभामुख अग्नि सापकोटाले मतविभाजनको प्रक्रियाबारे संसदलाई जानकारी गराएका थिए । अहिले मतदान जारी छ ।

मतदानअघि प्रधानमन्त्री केपी शर्मा ओलीले आफुलाई विश्वासको मत दिन सबै सांसदहरुलाई आग्रह गरेका थिए ।

त्यसपछि सबै दलका नेताहरुले प्रस्तावमाथि आफ्नो धारणा राखेका थिए । जसका जवाफ प्रधानमन्त्री ओलीले दिएपछि मतविभाजन शुरु भएको हो ।

विश्वासको मत लिन बोलाइएको संसद् बैठकमा प्रमुख दलका नेताहरूले उठाएका प्रश्नको जवाफ प्रधानमन्त्री ओलीले दिएका थिए ।

एमाले अध्यक्ष तथा प्रधानमन्त्री केपी शर्मा ओलीले विश्वासको मत मागेका छन् । प्रतिनिधिसभामा विश्वासको मत लिने क्रममा सांसदहरुले उठाएको प्रश्नको जवाफ दिँदै विश्वासको मत दिन आग्रह गरेका हुन् ।

उनले अविश्वासको प्रस्ताव आउँछ भनेर आफू अढाइ महिना पर्खे पनि अविस्वासको प्रस्ताव नआएको बताए । उनले भने, ‘दौडधुप मात्र चलेको छ के के न भएजस्तो । जनता कति आउँदारैछन् भनेर मैले सभा गरेर देखाइदिएको हो ।’

अहिले मैले विश्वासको मत किन लिएको भन्दा मुलुकलाई अस्थिरता तर्फ नलैजान हो । उनले जहिले पनि विरोध गरेको तर विकल्प दिएको आरोप लगाए ।

उनले भने, ‘कुराले च्यूरा बिक्दैन । हामीलाई स्थिरता चाहिएको हो भने सहमतिअनुरुप अघि बढौँ, होइन भने स‌ंविधानअनुरुप अघि बढौँ । उपयुक्त ढंगले देशलाई अगाडि बढाऔँ । यति गर्दा पनि धन्यवाद भन्नु छैन ।’

‘विश्वासको मत भनेको संसद बाहिर भनेको कुरा होइन, म कसैलाई आरोप लगाइरुहेको छैन । संसदको विश्वास म माथि छैन भने मैले मार्ग प्रशस्त गरिदिनुपर्छ । संसदको आदेशसँगै मार्ग प्रशस्त भैहाल्छ । म स्थायित्वका लागि यहाँ आएको हुँ ।’

उनले सबै पक्षलाई मिलाएर अघि जान्छु भन्दा म अघि बढ्छु भन्ने हक राख्छु तसर्थ विश्वासको मत मागेको हो ।

उनले भने, ‘म पनि बुझ्छु, कस्को उपस्थिति छ कस्को छैन, किन छैन ।’