काठमाडौं–नेकपा एमालेको नेपाल पक्षका सांसदहरुको सोमबार सिंहदरबारमा बसेको बैठकले प्रतिनिधिसभाको आजको बैठकमा अनुपस्थित हुने निर्णय गरेको छ ।

बैठकमा सहभागी नेता भीम रावलका अनुसार प्रतिनिधिसभाको आजको बैठकमा अनुपस्थित रहने निर्णय भएको छ । संसदको बैठक आज १ बजे बस्दैछ । जहाँ प्रधानमन्त्री केपी शर्मा ओलीले विश्वासको मत लिँदैछन् ।

बैठकमा सहभागी केही सांसदले आफ्नो धारणा राख्नेक्रममा राजीनामा दिनुपर्ने र केहीले राजीनामा नदिएर मध्यमार्गी बाटो अपनाउनुपर्ने सुझाव दिएका थिए ।

आइतबार बेलुका सिंहदरबारमा बसेको नेपाल पक्षका सांसदहरुको बैठकले पार्टी अध्यक्ष केपी शर्मा ओलीलाई सोमबार बिहान ९ बजेसम्मको समय दिने निर्णय गरेको थियो ।