काठमाडौँ– नेकपा दाहाल-नेपाल समूहका नेताहरुको भनाइप्रति प्रधानमन्त्रीका प्रेस सल्लाहकार सूर्य थापाले आक्रोश पोखेका छन् ।

दाहाल-नेपाल समूहले आज राजधानीमा गरेको विरोधसभामा नेताहरुको सम्बोधनलाई लक्षित गर्दै  उनले आक्रोश पोखेका हुन ।

‘शब्द प्रयोगमा संयमित र जवाफदेही नभएर जथाभावी बर्बराउने हो भने हत्यारा, रक्तपिपासु, लुटेरा र अरू केके भन्न सकिन्छ होला ह्वालाई ?’ उनले सामाजिक सञ्जालमा लेखेका छन्,‘तथ्यको आधारमा सही कुरा भनौं त जनता जनार्दन ! अझ आज त ढाडे बिरालोले मुसा नखाने पो घोषणा गरेको सुन्दा झनै आश्चर्य लाग्यो ।’

प्रचण्ड–नेपाल समूहलाई ‘कठै बरा’ भनि टिप्पणी गर्दै उनले भनेका छन्, ‘यो त अर्को चरम नौटंकी भएन र ? अब प्रधानमन्त्री हुने बुँता चट्, अनि देश पो बनाउने रे, कठै बरा ??’