लसएन्जल्स(एजेन्सी)– पूर्व अमेरिकी प्रथम महिला मिसेल ओबामाले नेटफ्लिक्स सिरिज ‘वाफल्स प्लस मोची’मा अभिनय गर्ने भएकी छन् । यो सिरिजमा ओबामाले सुपरमार्केट मालिकको भूमिकामा अभिनय गर्नेछिन् । सिरिजमा ‘द लेण्ड अफ फ्रोजन फुड’का वाफल्स र मोचीको पनि अभिनय हुनेछ । आगामी महिनाबाट प्रसारण हुने यो सिरिजलाई मिसेलले ‘हर्षोल्लासपूर्ण, हृदयस्पर्शी र जादु शो’ भनेकी छन् ।

सिरिजमा मिसेल र उनका पति बाराक ओबामा कार्यकारी निर्माता छन् । ओबामा जोडीले सन् २०१८ मा नेटफ्लिक्ससँग सिरिज र फिल्म निर्माणका लागि सम्झौता गरेका थिए । यो सम्झौताको पहिलो परिणाम सन् २०२० मा आएको उनको अटोबायोग्राफी ‘बिकमिङ’मा आधारित वृत्तचित्र थियो ।

मिसेल ‘वाफल्स प्लस मोची’मा आइसक्रिम खाएर सेफ बन्ने सपना साँचेका दुई पपेटलाई सहयोग गर्ने भूमिकामा देखिनेछिन् । ‘मेरा सन्तान हुर्कदै गर्दा वाफल्स प्लस मोची वरपर भएको भए कति राम्रो हुन्थ्यो । यो कार्यक्रमले पारिवारिक एकतासँगै उनीहरुको अभिभावकलाई दिमागमा दिने शान्तपनलाई देखाउनेछ’, उनले भनेकी छन् । यो सिरिज आगामी मार्च १६ बाट नेटफ्लिक्समा आउनेछ ।