काठमाडौँ– परशुराम बस्नेतले सम्पत्ति शुद्धीकरण मुद्दामा सफाइ पाएका छन् । नेकपा एमाले निकट राष्ट्रिय खेलकुद महासंघका वरिष्ठ उपाध्यक्ष बस्नेतलाई सर्वोच्च अदालतले बिहीबार सफाइ दिएको हो ।
सर्वोच्चका न्यायाधीशहरु दिपककुमार कार्की र टंकबहादुर मोक्तानको सँयुक्त इजलासले बस्नेतको पक्षमा फैसला गरेको छ । बस्नेतविरुद्ध सम्पत्ति शुद्धीकरण विभागले गैरकानुनी रुपमा अकुत सम्पत्ति आर्जन गरेको भन्दै २०७० मा विशेष अदालतमा मुद्दा दायर गरेको थियो ।
विशेष अदालतले विभागको हक दावी नपुगेको भन्दै बस्नेतलाई सफाइ दिएपछि विभागले सर्वोच्चमा पुनरावेदन गरेको थियो । सर्वोच्चले पनि विशेष अदालतकै फैसलालाई निरन्तरता दिएको हो ।
प्रतिक्रिया