काठमाडौँ– मोटरसाइकल चोरीमा संलग्न भएको आरोपमा प्रहरीले राजधानीको कीर्तिपुरबाट दुई जनालाई पक्राउ गरेको छ ।

प्रहरीका अनुसार पक्राउ पर्नेमा रामेछाप खाँडादेवी गाउँपालिका–७ घर भई हाल नारायणटार बस्ने सुन्दर मगर र रामेछाप सुनापती गाउँपालिका–२ घर भई नारायणटार नै बस्ने दिपक सिंजाली मगर रहेका छन् ।

हानगरीय ट्राफिक प्रहरी महाशाखाका प्रमुख एसएसपी जनक भट्टराईका अनुसार कीर्तिपुरमा एक घर अगाडी पार्किङ्ग गरी राखेको बा ९४ प ७१६४ नम्बरको पल्सर मोटरसाइकल चोरेर भाग्दै गर्दा उनिहरुलाई भक्तपुरको सूर्यविनायकबाट पक्राउ गरिएको हो ।

पक्राउ परेको मोटरसाईकल सहित दुवै जनालाई थप अनुसन्धान एवं कानुनी कारबाहीको लागी प्रहरी बृत्त, किर्तिपुरमा बुझाएको महाशाखा प्रमुख भट्टराईले बताए ।