कञ्चनपुर– गैरकानुनी रुपमा काठको कारोबार भएको पाइएपछि प्रहरीले कञ्चनपुरस्थित एक फर्निचर उद्योगबाट काठ बरामद गरेको छ ।
प्रहरीका अनुसार गैरकानुनी रुपमा फर्निचर उद्योगमा काठको कारोबार हुने गरेको सूचनाका आधारमा भीमदत्त नगरपालिका–१० को फर्निचर उद्योगबाट काठ बरामद गरेको हो ।
जिल्ला प्रहरी कार्यालयका प्रवक्ता डीएसपी अमरबहादुर थापाका अनुसार रमेश भट्टले सञ्चालन गरिरहेको फर्निचर उद्योगबाट मंगलबार ३४०.४१ क्युबिक फिट आँप, टुडी, मसाला र सिसम जातको काठ बरामद गरिएको हो ।
काठसहित सञ्चालक भट्टलाई प्रहरीले डिभिजन वन कार्यालय कञ्चनपुरमा बुझाइएको छ ।
प्रतिक्रिया