मुम्बई(एजेन्सी)– बलिउड अभिनेता राहुल भट्टले फिल्म ‘मेन नेकेड’का लागि हालै ‘नेक्स्ट इन्टरनेशनल फिल्म फेस्टिभल’मा ‘बेस्ट एक्टर’को अवार्ड पाए । दुई घण्टाको यो फिल्म सिंगल सटमा निर्माण गरिएको थियो । जसका लागि यी अभिनेताले न्यूड दृश्य पनि दिनुपर्यो । राहुल अघि बलिउडका कैयौं अभिनेता फिल्मी पर्दामा बिना कपडा देखिएका छन् ।

बलिउडका मिस्टर परफेक्शनिस्ट आमिर खान सन् २०१४ को फिल्म ‘पीके’मा न्यूड देखिए । फिल्मको पोस्टर सार्वजनिक हुनासाथ उनी चर्चामा आए किनकी पोस्टरमा आमिर न्यूड देखिएका थिए । उनको यो तस्वीर देखेर केहीले आपत्ति पनि जनाए । कानपुरका एक वकिलले पोस्टर देखेपछि आमिरका विरुद्ध यौन हिंसाको मुद्दा नै लगाए ।

अभिनेता रणवीर कपूरले आफ्नो ‘डेब्यू’ फिल्म ‘साँवरिया’मा नै न्यूड दृश्य दिए । यो फिल्म सन् २००७ मा रिलिज भएको थियो । रणवीरले सन् २०१८ मा फिल्म ‘सञ्जु’मा पनि एक न्यूड दृश्य दिए । जेलको एक दृश्यमा उनलाई पूर्ण रुपमा न्यूड देखाइएको थियो ।

अर्का अभिनेता जोन अब्राहमले सन् २००९ को हिट फिल्म ‘न्यूयोर्क’मा एक जेलको दृश्यमा न्यूड दृश्य दिएका थिए । फिल्ममा उनले एक कलेजको विद्यार्थीको भूमिका निभाएका थिए, जो झुठो मुद्दामा आतंकवादी घोषित भएका थिए । प्रहरीको यातनापछि जोन साँच्चै नै आतंकवादी बन्दछन् ।

फिल्म ‘जोनी गद्दार’ फिल्मबाट बलिउडमा पाइला चालेका नील नितिन मुकेशले सन् २००९ मा फिल्म ‘जेल’का लागि न्यूड दृश्य दिएका थिए । फिल्मले बक्सअफिसमा सफलता नपाए पनि उनको यो दृश्य दर्शकमाझ निकै चर्चित बनेको थियो ।

अभिनेता राजकुमार रावले सन् २०१२ मा फिल्म ‘शाहिद’मा एक अपराधिक वकिलको भूमिका निभाएका थिए । जसले आतंकवादको झुठो मुद्दामा परेका व्यक्तिलाई न्याय दिन पहल गरेका थिए । फिल्मको एक दृश्यमा उनले न्यूड दृश्य दिएका थिए ।

वाणी कपूर र रणवीर सिंह स्टारर फिल्म ‘बेफिक्रे’ बोल्ड दृश्य र चुम्बन दृश्यका कारण चर्चामा थियो । फिल्ममा रणवीर सिंहले बोल्ड अवतार देखाएका थिए । काउब्वाइको भूमिका देखि लिएर तावल बेरेर उभिनेसम्मको अवतारमा उनी देखिएका थिए ।

अभिनेता शरमन जोशी सन् २०१५ मा ‘हेट स्टोरी ३’मा देखिएन । जरीन खानसँग रोमान्स गरेका शरमन एक पटक न्यूड दृश्यमा देखिएका थिए ।

बलिउडको ‘ज्याकी च्यान’ मानिएका टाइगर श्राफ आफ्ना हरेक फिल्ममा जबरदस्त एक्सनमा देखिन्छन् । उनले आफ्नो भूमिकालाई उत्कृष्ट बनाउन फिल्म ‘बागी २’मा न्यूड दृश्य नै दिएका छन् ।