मकवानपुर– बागमती प्रदेशको मन्त्रिपमण्डल विस्तार भएको छ । मुख्यमन्त्री अष्टलक्ष्मी शाक्यले सात मन्त्री र चार राज्यमन्त्री थपेर मन्त्रीमण्डल विस्तार गरेकी हुन् ।

शाक्यले केशव खड्कालाई भौतिक पूर्वाधार विकास, डा. अजय क्रान्ति शाक्यलाई आन्तरिक मामिला तथा कानून मन्त्रालयको जिम्मेवारी दिएकी छन् ।

रचना खड्का आर्थिक मामिला तथा योजना मन्त्रीमा नियुक्त भएकी छन् । विजय सुवेदी सामाजिक विकास मन्त्रीको जिम्मेवारी दिइएको छ । शान्तिप्रसाद पौडेल उद्योग, पर्यटन, वन तथा वातावरण मन्त्री बनेका छन् ।

त्यस्तै प्रदीपकुमार कटुवाल क्षेत्री स्वास्थ्य मन्त्री बनेका छन् । चन्द्र लामाले भूमि व्यवस्था, कृषि तथा सहकारी मन्त्रीको जिम्मेवारी पाएका छन् ।

जीवन खड्का भौतिक पूर्वाधार विकास राज्यमन्त्री, सरस्वती बाटी उद्योग राज्मन्त्री, जुनेली श्रेष्ठ सामाजिक विकास राज्यमन्त्री र बद्री मैनाली भूमि व्यवस्था राज्यमन्त्री नियुक्त भएका छन् ।

नवनियुक्त मन्त्री तथा राज्मन्त्रीले आजै शपथ लिएका छन् ।