सप्तरी- प्रदेश–२ प्रमुख डा. राजेश झा ‘अहिराज’ले देशप्रति गर्व र मधेशप्रति माया दर्शाउने भावमा सबैमा हुनुपर्ने बताएका छन् ।

सप्तरीमा आज भएको सुरक्षा निकायका पदाधिकारी र पत्रकारबीचको अन्तरक्रियामा उनले देशप्रति गर्व र मधेशप्रति मायाको भावना सबै नागरिक एकजुट हुनुपर्ने धारणा राखेका हुन् ।

उनले भ्रष्टाचारीको जात, धर्म, आस्था नहुने भएकाले क्षमा गर्न नहुने तथा राष्ट्रिय एकता र नागरिकको सुरक्षाका विषयमा सम्झौता नहुने बताए।

कार्यक्रममा सप्तरीका प्रमुख जिल्ला अधिकारी जयनारायण आचार्यले कोरोना महामारी नियन्त्रण लगायत समग्र जिल्लाको शान्ति सुरक्षाका लागि आफूले गरेका काममको बारेमा जानकारी गराएका थिए ।

यसैगरी नेपाली सेनाका गणपति नीरज भण्डारी, प्रहरी उपरीक्षक राजेन्द्रप्रसाद धमला, सशस्त्र प्रहरी उपरीक्षक राजु श्रेष्ठ, उपअनुसन्धान निर्देशक नरेशबहादुर शाहले जिल्लामा हुने गरेका लागूऔषध, द्वन्द्व, हिंसा र अपराधजन्य गतिविधिका विषयमा जानकारी गराएका थिए ।