काठमाडौँ- फ्रेन्च लिग वान फुटबलमा पेरिस सेन्ट जर्मेन (पीएसजी) ले विजयी शुरूवात गरेको छ ।
शनिबार रातिको नयाँ सिजनको पहिलो खेलमा ट्रोएसलाई २-१ गोलले पराजित गर्दै पीएसजीले सुखद शुरूवात गरेको हो । पीएसजीले सुरुवाती एक गोलको अग्रता उल्टाउँदै पुनरागमन जित निकालेको हो ।
खेलको नवौँ मिनेटमा वालिड एल हाजिमले गोल गर्दै ट्रोएसलाई सुरुवाती अग्रता दिलाए पनि १९औँ मिनेटमा आचार्फ हाकिमीले गोल गर्दै पीएसजीलाई १-१ गोलको बराबरीमा ल्याए । २१औँ मिनेटमा माउरो इकार्डीले गोल गर्दै पीएसजीलाई २-१ को जित दिलाए ।
जितसँगै पहिलो खेलमा ३ अंक जोडेको पीएसजी शीर्ष स्थानमा रहेको छ ।
प्रतिक्रिया