काठमाडौँ–लिम्बु समुदायको विवाह तथा पालाम संस्कृतिमा आधारित सट फिल्म ‘खेदा(कथा)’ सार्वजनिक भएको छ । फिल्ममा बोजु(हजुरआमा)को पेन्सर थापेर आउँदा बुहारी ल्याएको कथा देखाइएको छ ।

पालामलाई प्राथमिकता दिइएको फिल्ममा रुकमान लिम्बु, सबनम साँवा लिम्बु, यासेली योङ्हाङ लिम्बु, मनु थक्लुङ लिम्बु, नैनाकला आङदेम्बे, नाम्लिङ अख्राबो लिम्बु, निर्मला तावा, नितुरानी नेम्बाङ, बत्तिमाया चोङ्बाङ, बुद्धमति लिम्बु, कृष्णमाया लिम्बु, दीपा सुहाङ, भीम सेनिहाङ लिम्बु, दिपा सुहाङ, जेपी नेम्बाङ लिम्बुलगायतका कलाकारको अभिनय रहेको छ ।

लोकेन साँवा लिम्बुको कथा र निर्देशन रहेको फिल्ममा देवेन्द्र खापुङ सुर्केलीको पटकथा र संवाद, डीबि आङबुङ लिम्बुको सबटाइटल छ ।

याक्थुङ केलाङ समूह र फेदाप केलाङ समूहको च्याब्रुङ नृत्य रहेको फिल्ममा बुद्ध थापाको छायांकन विनोद लामाको पाश्र्व संगीत, विकास दाहालको सम्पादन छ । फिल्म रुबुसा क्रिएटिभ वर्कको युट्युब च्यानलबाट सार्वजनिक गरिएको हो ।