मुम्बई– साजिद नाडियाडवालाको फिल्म ‘हिरोपन्ती २’को आफ्नो पहिलो सुटिङ तालिका पुरा भएको छ । यो फिल्मको सेटबाट अभिनेता टाइगर श्राफको तस्वीर सामाजिक सञ्जालमा सार्वजनिक भएको छ ।

तस्वीर सार्वजनिक हुनासाथ भाइरल भइरहेको छ । आजतकमा प्रकाशित समाचारअनुसार तस्वीरमा टाइगरलाई कालो रंगको पेन्ट–सुट र रातो टाईमा देख्न सकिन्छ । उनलाई चारैतिरबाट सुरक्षा दिइएको छ ।

‘हिरोपन्ती २’ टाइगरको डेब्यू फिल्म ‘हिरोपन्ती’को सिक्वेल हो । पहिलो फिल्मले नै टाइगरको करियरलाई उचाईमा पुर्‍याएको थियो ।

फिल्म ‘हिरोपन्ती २’को सुटिङ गोप्य नै राखिएको थियो । निकै सुझबुझका साथ निर्देशक अहमद खानले मुम्बईमा फिल्मको सुटिङ दुई सातामा पुरा गरेका थिए ।

‘हिरोपन्ती’मा टाइगरको अपोजिटमा कृति सेनन थिइन् । जबकी ‘हिरोपन्ती २’मा तारा सुतारिया टाइगरको प्रेमिका छिन् ।