भक्तपुर– यामाहा मोटरसाइकलको नेपालका लागि आधिकारिक आयातकर्ता एमएडव्लू इन्टरप्राइजेजको यामाहा द व्हिल्स प्रालिको अगुवाइमा भक्तपुरको सल्लाघारी क्षेत्रमा हरियाली अभियान थालिएको छ ।

एमएडव्लू इन्टरप्राइजेजकोको सामाजिक कार्यका लागि गठित एमएडव्लू फाउण्डेशनको वान डिलर वान इनिसियसन (एक डिलर एक सामाजिक काम) अन्तर्गत हरियाली अभियान थालिएको हो ।

यामाहाको हरियाली अभियानमा स्थानीयबासी, युवा, व्यवसायी, व्यापारीहरुले पनि साथ दिएका छन् । यसका लागि भक्तपुर र सूर्यविनायक नगरपालिका तथा सडक विभाग कटुञ्जे भक्तपुरले पनि सहयोग गरेको छ । हरिायाली कायम गर्न वृक्षरोपण तथा दुबो रोपिएको छ ।

यामाहाको भक्तपुरका लागि आधिकारिक वितरक यामाहा शोरुम सल्लाघारी भक्तपुरका प्रबन्ध निर्देशक सुरेश कवांंले आफ्नो ठाउँं आफैं बनाऔं भन्ने हिसावले सबैको सहयोगबाट सल्लाघारी चोकदेखि आकाशे पुलसम्मको राजमार्ग छेउमा हरियाली प्रवर्द्धन गर्न वृक्षरोपण र दुबो रोपिएको जानकारी दिए ।

योजना अन्तर्गत पहिलो पटक हेज जातको ७० वटा र गोल्डेन धुपी जातका २० वटा विरुवा रोपिएका छन् ।