एजेन्सी- इंग्लिस प्रिमियर लिग फुटबलमा साविक बिजेता लिभरपुलले लज्जास्पद हार व्यहोरेको छ ।
आइतबार राति भएको खेलमा सिटीले लिभरपुललाई ४-१ गोल अन्तरले पराजित गरेको छ।
लिभरपुलको मैदानमा सिटीलाई जित दिलाउन इल्के गुण्डोगानले दुई गोल गरे । रहिम स्ट्रर्लिङ र फिल फोडेनले एक एक गोल गरे । लिभरपुलका मोहमद सलाहले एक गोल फर्काए ।
जितसंगै सिटीले २२ खेलमा ५० अंक जोडेको छ । शीर्ष स्थानको सिटीले उपाधि होड समेत बलियो बनाएको छ ।
उसले म्यानचेस्टर युनाईटेडविरुद्ध ५ अंकको अग्रतासमेत बनाएको छ ।
लिभरपुलले भने २३ खेलमा ४० अंक जोडेको छ । चौथो स्थानको लिभरपुल सिटी भन्दा १० अंकले पछि रहेको छ ।
प्रतिक्रिया