काठमाडौँ– उपप्रधानमन्त्री एवं नेपाल कम्युनिस्ट पार्टी (नेकपा) ओली समूहका नेता ईश्वर पोखरेलले दाहाल-नेपाल समूहको सत्ता स्वार्थकै कारण अहिलेको स्थिति सिर्जना भएको बताएका छन् ।

शुक्रबार काठमाडौंमा काठमाडौं जिल्ला कमिटीले आयोजना गरेको जनप्रतिनिधि भेलमा उनले पार्टीको विधि र विधानलाई मिचेर पदको खोजीमा लाग्ने लोभले नेकपा दुई समूहमा विभाजन हुन पुगेको बताए ।

निर्वाचित भएको अध्यक्ष र निर्वाचित प्रधानमन्त्रीलाई हटाउने खेल मुलुकका लागि हानी हुने देखिएकाले ताजा जनादेशमा जाने निर्णय गरिएको उनले बताए ।

त्यस्तै उनले आफ्नो समूह नै आधिकारीक नेकपा भएकाले भ्रममा नपर्न आग्रह गरे । उनले सूर्य चिन्ह आफूहरुकै भएको भन्दै सूर्य चिन्हका साथ निर्वाचनमा होमिने बताए ।

हेरौँ भिडियो