काठमाडौँ– स्पेनिस महारथि रियल मड्रिडका फरवार्ड इडन हर्जाडले आफुले प्रेरणा मानेका तीन खेलाडीको बारेमा खुलासा गरेका छन् । हर्जाडले विश्व फुटबलका तीन महान खेलाडी जिनेदिन जिदान, लियोनल मेस्सी र क्रिष्टियानो रोनाल्डोलाई आफ्ना आदर्श मानेका छन् ।

साथै उनले जिदान, मेस्सी र रोनाल्डो आफुलाई मन पर्नुका कारण समेत खोलेका छन् ।

जसमा उनले मेस्सीबारे रोचक कुरा बोलेका छन् । बेल्जियमको आरटिबिएफ रेडियोसँगको सम्बादमा उनले मेस्सीको कुरा पक्ष मन पर्छ भन्दै गरिएको प्रश्नको जवाफमा भनेका छन्, ‘उनको बाँया खुट्टा ।’

यस्तै, उनले रोनाल्डोबारे भने, ‘उनको खेल जित्ने भोक, सधै जित्ने र गोल गर्ने इच्छाशक्ति मन पर्छ ।’

उनले जिदानको मन पर्ने पक्षका रुपमा उनको व्यक्तित्व’ को प्रशंसा गरेका छन् । जुन उनलाई खुबै मन पर्छ ।
आरटिबिएफले हर्जाडको जन्मदिनमा छोटो सवाल जवाफ कार्यक्रम चलाएको थियो । जसमा उनले यी र यस्तै कुराहरुको चर्चा गरेका थिए ।

हर्जाड आजदेखि ३० वर्षमा प्रवेश गरेका छन् ।