काठमाडौँ– एएफसी कप छनोटअन्तर्गत त्रिभुवन आर्मी क्लबले श्रीलंका पुलिसलाई ५-१ गोल अन्तरले पराजित गरेको छ।

त्रिपुरेश्वरस्थित दशरथ रंगशालामा बुधबार साँझ भएको खेलमा आर्मीले पाहुना टोली श्रीलंका पुलिसलाई ५-१ गोल अन्तरले पराजित गरेको हो ।

पहिलो हाफमा २–१ गोलले अगाडि रहेको आर्मीले दोस्रो हाफमा थप तीन गोल गरेको हो।

खेलको ५० औँ मिनेटमा सन्तोष तामाङले प्रहार गरेको श्रीलंकाका किपर दिनेश महेन्द्रनले क्लियर गर्न नसकेको बललाई टंक बहादुर लिम्बुले गोल गरेका थिए । यस्तै, खेलको ८३ औँ मिनेटमा सुदिल राई र दोस्रो हाफको इन्जुरी टाइममा नवयुगले पाँचौ गोल गरेका थिए।

जितसँगै आर्मी एएफसी कप-२०२१ प्ले अफको दोस्रो चरणमा प्रवेश गरेको छ ।